لاہور( این این آئی)میٹرو بس،اورنج لائن،اسپیڈو اورای بس سروسز میں ایک ہی کارڈ سے سفرممکن ہو گا،صوبہ بھر سے ٹی کیش کارڈ کے حصول کیلئے 1لاکھ 30ہزارسیزائد درخواستیں موصول ہوچکی ہیں۔سی ای او پنجاب ٹرانسپورٹ کمپنی کوثر خان کے مطابق اب تک 66 ہزارسے زائدشہریوں کو ٹی کیش کارڈموصول ہو چکے، ٹی کیش کارڈ سے کیش کے بغیر ٹکٹنگ، آسان اور محفوظ سفر ممکن ہو سکے گا۔
سی ای او کے مطابق ٹی کیش کارڈ کے ذریعے پنجاب بھر کے شہریوں کی ٹرانسپورٹ سسٹمز تک رسائی ممکن ہو گی،ٹی کیش کارڈ بطور ڈیبٹ کارڈ روزمرہ مالی لین دین کے لیے بھی قابل استعمال ہو گا۔ٹی کیش کارڈ کا اجرا ء اسٹیٹ بینک کے قواعد کے مطابق کیا جائے گا،شہری ویب پورٹل، ای ٹرانزٹ ایپ یا ہیلپ لائن کے ذریعے ٹی کیش کارڈ کے لیے درخواست دے سکتے ہیں۔
