کابل(آئی این پی )افغانستان کے دارالحکومت کابل میں مزار پر حملے میں 10افراد ہلاک اور 30زخمی ہو گئے ، زخمیوں اور لاشوں کو فوری طور پر ہسپتال منتقل کر دیا گیا۔ تفصیلات کے مطابق منگل کو کابل میں ایک مزار پر حملہ کیا گیا، حملہ آور پولیس کی وردی میں مزار پر داخل ہوئے ، ان کی فائرنگ سے 10افراد ہلاک اور 30زخمی ہو گئے۔سیکیورٹی حکام نے زخمیوں اور لاشوں کو ہسپتال منتقل کردیا ۔ آخری اطلاعات آنے تک علاقے میں فائرنگ اور دھماکوں کی آواز سنائی دے رہی تھی۔ادھر چینی خبررساں ادارے کی رپورٹ کے مطابق مہتر عالم کے علاقے میں سیکیورٹی چیک پوسٹ پر طالبان کے حملے میں ایک پولیس اور جوابی کارروائی میں تین طالبان ہلاک جبکہ 22افراد زخمی ہوگئے ۔

موضوعات:طالبان کابل