اسلام آباد(مانیٹرنگ ڈیسک)افغانستان کے جنوبی صوبے قندھار میں بم دھماکے کے نتیجے میں 2افراد جاں بحق ہو گئے۔ افغان میڈیا کے مطابق قندھار صوبے کے شہر جلال آباد میں مدرسے کے باہر سڑک کنارے نصب بم دھماکا ہوا جس کی زد میں آکر 2افراد جاں بحق اور 5زخمی ہو گئے۔ دھماکا ریموٹ کنٹرول اور شدید نوعیت کا تھا جس کے بعد ہر طرف افراتفری پھیل گئی ، حکام کا کہنا ہے کہ دھماکے کا مقصد مدرسے کو نشانہ بنایا تھا۔ حادثے کے بعد علاقے کو سیل کر دیا گیا ہے اور سیکیورٹی ادارے شواہد اکٹھا کرنے میں مصروف ہیں۔تاہم ابھی تک یہ پتہ نہیں چل سکا کہ مرنے والے مدرسے کے طالب علم تھے یا راہگیر ۔