انقرہ (این این آئی)ترک پارلیمنٹ نے اسرائیل کے ساتھ تعلقات کی بحالی کے حکومتی پلان کی منظوری دے دی ہے۔غیرملکی خبررساں ادارے کے مطابق اس منظوری کے بعد ترک اسرائیلی تعلقات میں چھ برسوں سے جاری تعطل عملی طور پر ختم ہو گیا ہے۔ اس بارے میں ترکی اور اسرائیل کے مابین اتفاق رائے گزشتہ ماہ ہوا تھا۔ امید ہے کہ دونوں ملکوں کے سفیر جلد ہی اپنی اپنی ذمہ داریاں سنبھال لیں گے۔ انقرہ حکومت نے اسرائیل کے ساتھ سفارتی تعلقات 2010 میں منقطع کیے تھے جب اسرائیلی بحریہ کے کمانڈوز نے غزہ جانے والے ایک ترک امدادی جہاز پر دھاوا بول کر دس ترک امدادی کارکنوں کو ہلاک کر دیا تھا۔ دونوں ملکوں نے ایک باقاعدہ ڈیل کے تحت سفارتی روابط بحال کیے ہیں۔ ڈیل کے تحت اسرائیل بیس ملین ڈالر تاوان ادا کرے گا۔