نیویارک (آئی این پی)دنیا بھر کے سکھوں نے بھارت کے یوم آزادی کی تمام تقریبات کے بائیکاٹ اور پنجاب کو خالصتان بنانے کا اعلان کرتے ہوئے کہا ہے کہ 15 اگست ہندو انتہا پسند قوم کا آزادی کا دن تو ہو سکتا ہے لیکن سکھوں کا نہیں ، سکھ قوم ہندوستان سے اپنی آزادی حاصل کر کے دم لیں گے۔غیرملکی میڈیا کے مطابق نیویارک میں مقیم سکھ کیمونٹی کے رہنماؤں گلدیپ سنگھ۔ چرن سنگھ م، بابا مکھن سنگھ ، حرجیت سنگھ نے پریس کانفرنس کرتے ہوئے کہا کہ ہندوستان ایک دہشت گرد ملک ہے اس ملک کی خفیہ ایجنسی را اپنے ہمسایہ ممالک میں دہشت گردی کی وارداتوں میں ملوث ہے ، بین الاقوامی دہشت گرد تنظیم آئی ایس آئی ایس کے خفیہ طور پر را کے ساتھ تعلقات ہیں ۔ انہوں نے کہا کہ 15 اگست 1947 ہندو انتہا پسندوں کی آزادی کا دن تو ہو سکتا ہے لیکن سکھوں کا نہیں ۔ سکھ ہندوستان سے اپنی آزادی چھین لینگے اور خالصتان ضرور معرض وجود میں آئیگا ۔