مظفرآباد(آئی این پی)لائن آف کنٹرول پر وادی لیپہ کے گاوں لب گراں پربھارتی فوج کی بلااشتعال فائرنگ، کسی جانی نقصان کی اطلاع نہیں ملی،سیکیورٹی فورسز نے موثر جوابی کارروائی کرتے ہوئے بھارتی گنیں خاموش کرا دیں۔ میڈیا رپورٹس کے مطابق جمعرات کو ایل اوسی پروادی لیپاکے گاوں لب گراں میں سڑک پرتعمیراتی کام جاری تھا اس دوران بھارتی فوج کی جانب سے بلااشتعال فائرنگ کی گئی ۔ سیکیورٹی فورسز کی طرف سے بھی موثر جوابی کارروائی کی گئی جس کے نتےجے میں بھارتی گنیں خاموش ہو گئیں، بھارتی فوج کی فائرنگ سے جانی نقصان کی اطلاع نہیں ملی۔واضح رہے کہ بھارتی فوج کی طرف سے فائرنگ ایسے وقت میں کی گئی جب بھارتی وزیر داخلہ سارک کانفرنس میں شرکت کیلئے پاکستان آئے ہوئے تھے۔