کابل(این این آئی )افغان دارالحکومت کابل میں اقلیتی ہزارہ برادری کے مظاہرے کے دوران دو بم دھماکوں میں 50 افراد ہلاک اور 170 سے زائد زخمی ہو گئے ۔افغان میڈیا کے مطابق دارالحکومت کابل میں ہفتہ کو اقلیتی ہزارہ برادری کے مظاہرے کے دوران دو دھماکے ہوئے سرکاری ذرائع نے مظاہرے میں 3 خود کش حملہ آوروں کی موجودگی کی تصدیق کی ہے اطلاعات کے مطابق ایک حملہ آور نے دھماکہ کیا جبکہ دوسرے کی خود کش جیکٹ ناکارہ ہونے کی وجہ سے پھٹ نہ سکی جبکہ تیسرے حملہ آور کو افغان این ڈی ایس کے اہلکار وں نے نشانہ بنا کر ہلاک کر دیا ۔ ایک عینی شاہد کے حوالے سے بتایا گیا ہے کہ ایک خود حملہ آور برقعہ پہن کر مظاہرین کے اندر موجود تھا ۔ زخمیوں کو ہسپتال منتقل کر دیا گیا جہاں بعض کی حالت نازک بتائی گئی ہے ۔