کلیولینڈ (آئی این پی)امریکی صدارتی امیدوار ڈونلڈ ٹرمپ نے ری پبلیکن صدارتی امیدوار کے طور پر نامزدگی قبول کر تے ہوئے کہا ہے کہ وہ امریکا کو محفوظ اور خوشحال بنائیں گے۔غیر ملکی میڈیا کے مطابق امریکی شہرکلیولینڈ میں ری پبلکن نیشنل کنونشن میں ٹرمپ نے نامزدگی قبول کی،کنونشن سے خطاب کرتے ہوئیانہوں نے کہا کہ ہلیری کلنٹن کی خارجہ پالیسی کی وجہ سے امریکا غیرمحفوظ اور غیر مستحکم ہوا۔داعش کی کارروائیوں میں اضافہ ہوا،موت،تباہی اورکمزوری ہیلری کی باقیات ہیں،امریکا کو دیگرممالک میں حکمراں بدلنیکی پالیسی ختم کرناہوگی۔ٹرمپ نے کہا کہ امریکا میں غیر منصفانہ تجارتی معاہدوں کی وجہ سے بے روزگاری میں اضافہ ہوا،وہ نظر انداز کئے گئے امریکیوں کی آواز بنیں گے۔ڈونلڈ ٹرمپ نے یہ بھی کہا کہ دہشت گردی پرسمجھوتہ کرنیوالیممالک سیامیگریشن پرپابندی لگاناہوگی۔