سیہول (مانیٹرنگ ڈیسک )شمالی کوریا نے امریکی پابندیاں ہوا میں اڑا دیں، بیلسٹک میزائلوں کا ایک اور تجربہ کر ڈالا۔ تفصیلات کے مطابق گزشتہ شب شمالی کوریا نے ہوانگو صوبے کے مغربی شہر سے تین بیلسٹک میزائل سمندر میں داغے، میزائلوں کا رخ جاپانی سمندری حدود کی جانب تھا۔میزائل تجربے پر جنوبی کوریا کے فوجی حکام کا کہنا ہے کہ شمالی کوریا کے میزائل چھ سو کلومیٹر دور سمندر میں گرے جس سے ظاہر ہوتا ہے کہ پورا جنوبی کوریا ان میزائلوں کی زد میں ہے۔ یہاں تک کہ یہ بیلسٹک میزائل جنوبی کوریا کے ساحلی شہر بوسان تک بھی مار کر سکتے ہیں۔ شمالی کوریا کا دو ماہ کے دوران یہ تیسرا میزائل تجربہ ہے۔

موضوعات:امریکہ اور شمالی کوریا