واشنگٹن (این این آئی) امریکا نے روس کو شام امن منصوبے کی بحالی کیلئے قریبی تعاون کی پیش کش کردی ۔ غیر ملکی میڈیا کے مطابق امریکی وزیر خارجہ جان کیری نے روسی صدر پیوٹن سے ملاقات میں یوکرائن کامعاملہ حل کرنے پرآمادگی ظاہر کردی ٗامریکی وزیر خارجہ جان کیری نے ماسکو میں روسی صدر ولادیمیر پیوٹن سے ملاقات کی جس میں شام کی صورتحال اور داعش کے خلاف جنگ سے متعلق امور پر تبادلہ خیال کیا گیا ٗملاقات کے دوران امریکی وزیر خارجہ نے شام امن منصوبے کی بحالی کیلئے قریبی تعاون کی پیش کش کی ٗ داعش اور القاعدہ کے خلاف فوجی اور انٹیلی جنس تعاون بڑھانے کی تجویز دی اس موقع پر روسی صدر پیوٹن نے کہا کہ شام کے بحران کے حل کے لیے دونوں ممالک کی جانب سے مشترکہ کوششیں اہم ہیں جبکہ جان کیری کا کہنا تھا کہ امریکا اورروس اس پوزیشن میں ہیں کہ وہ نہ صرف شام بلکہ یوکرین میں ہونے والے واقعات میں بھی بڑی تبدیلی لا سکتے ہیں۔