واشنگٹن (مانیٹرنگ ڈیسک) امریکی سی آئی اے نے سعودی عرب میں حالیہ حملوں میں شدت پسند تنظیم داعش کے ملوث ہونے کا شبہ ظاہر کیا ہے۔ امریکی ذرائع ابلاغ کے مطابق واشنگٹن میں ایک تھنک ٹینک سے خطاب کرتے ہوئے سی آئی اے کے ڈائریکٹر جان برینن کا کہنا تھا کہ سعودی عرب میں ہونے والے حالیہ حملوں میں شدت پسند تنظیم داعش کے ملوث ہونے کے شواہد ملے ہیں ۔ انہوں نے کہا کہ شدت پسند گروپ سعودی عرب کے لئے ایک سنجیدہ خطرہ ہو سکتا ہے۔جان برینن کا کہنا تھا کہ القاعدہ اب بھی سعودی عرب کے لئے ایک خطرہ ہے تاہم داعش اس سے بڑے خطرے کے طور پر سامنے آئی ہے۔