نئی دہلی(این این آئی) بھارتی وزیر اعظم نریندر مودی نے برہان وانی کی شہادت کے بعد کشمیر میں مظاہروں پر میڈیا کوریج پر ناراضگی کا اظہار کرتے ہوئے کہا ہے کہ حزب المجاہدین کے کمانڈر کو ہیرو بناکر پیش کیا جارہا ہے۔بھارتی میڈیا کی رپورٹ کے مطابق جموں وکشمیر کی صورتحال سے متعلق اعلیٰ سطح کے اجلاس کی صدارت کے دوران مودی نے دعویٰ کیا کہ برہان وانی دہشت گردی کی کارروائیوں میں ملوث تھا اور وہ ملک کو تقسیم کرنا چاہتا تھا تاہم انھیں میڈیا پر ہیرو بنا کر پیش کیا جارہا ہے۔نریندر مودی کو برہان وانی کی شہادت کے بعد پاکستان کے موقف کے حوالے سے بریفنگ دی گئی۔