واشنگٹن (نیوز ڈیسک )امریکی نائب صدر جوبائیڈن نے اب اس بات کا اعتراف کر لیا ہے کہ صدر باراک اوباما کو مئی 2011ءمیں اسامہ بن لادن کے خلاف ایبٹ آباد آپریشن کر کے موت کے گھاٹ اتارنے کا مشورہ انہوں نے دیا تھا۔ اس بارے میں بائیڈن نے یہ بیان جارج واشنگٹن یونیورسٹی میں دیا ۔ ان کا یہ بیان تاہم خود ان کے ماضی میں دیے گئے بیانات کی تردید کرتا ہے ۔ اس سے قبل بائیڈن یہ کہہ چکے ہیں کہ انہوں نے امریکی صدر سے کہا تھا کہ ان کے خیال میں اوباما کو کمانڈو آپریشن کی اجازت دے دینی چاہیے مگر اس سلسلے میں اپنی جبلی سوچ سے بھی کام لینا چاہیے۔ بائیڈن کا یہ بیان ایسے وقت پر سامنے آیا ہے جب وہ اس بارے میں غور کر رہے ہین کہ آیا انہیں 2016ءکے امریکی صدارتی الیکشن امیدوار بننا چاہتے ہیں ۔