لاہور (نیوزڈیسک) لاہور میں مزنگ کے علاقے میں آسٹریلین نژاد پاکستانی خاتون کی پراسرارہلاکت کا معمہ حل ہوگیا، پچپن سالہ عذرا کو لالچ میں آکر گھر کام میں کرنیوالے مزدور نے قتل کیا اورنقدی موبائل سمیت دیگرقیمتی اشیالوٹ کرفرارہوگیا۔ گزشتہ روز اپنے دفترمیں پریس کانفرنس کرتے ہوئے ایس پی سول لائن اسماعیل کھاڑک نے بتایا کے دوماہ قبل آسٹریلین نژادپاکستانی خاتون عذراکی لاش تھانہ مزنگ کے علاقے میں واقع گھرسے ملی تھی۔ جس کے ملزم نوید کو گرفتارکرکے اس کے قبضے سے موبائل فون،نقدی اورسامان برآمدکرلیاگیاہے۔ ملزم نویدپچپن سالہ عذرا کے گھررنگ کا کام کررہا تھا، جہاں اس کی نیت خراب ہوئی اورگھرلوٹنے کاارادہ کیا۔ ایس پی نے بتایا کہ ملزم نے خاتون کا گلہ ڈوپٹے سے باندھا اور گھرسے نقدی، موبائل فون اوردیگرسامان لوٹ کرفرارہوگیا جسے اس کے آبائی شہرمیرپورسے گرفتار کر لیا گیا ہے ۔ ایس پی کے مطابق ملزم کو موبائل فونز کے ریکارڈ کے ذریعے گرفتارکیا گیا۔