نئی دہلی (انٹرنیشنل ڈیسک )بھارتی میڈیا نے الزام عائد کیا ہے کہ جماعت الدعوۃ کے سربراہ حافظ سعید نے اپنے بھارت مخالف نظریات کوزیادہ سے زیادہ لوگوں تک پہنچانے کیلئے سماجی رابطے کی ویب سائٹ ’’ٹویٹر‘‘ پر ہندی میں پیغامات جاری کرنا شروع کردےئے ہیں۔بھارتی اخبار ’’انڈیا ٹوڈے ‘‘ کے مطابق جماعت الدعوۃ کے سربراہ حافظ سعید نے کشمیر کے حوالے سے اپنے بھارت مخالف نظریات کو اور زیادہ لوگوں تک پہنچانے کیلئے ٹویٹر پرہندی زبان کا استعمال شروع کردیا ہے ۔بھارتی اخبار نے حافظ سعید کے مبینہ طور پر ہندی میں ٹویٹ بھی جاری کیے ہیں جن میں کہا گیا ہے کہ کشمیری نوجوان اپنی آزادی کیلئے خود لڑرہے ہیں۔واضح رہے کہ بھارتی وزیر داخلہ راجناتھ سنگھ نے دہلی کی جواہر لعل نہرو یونیورسٹی میں کشمیری رہنما افضل گورو کی برسی پر بھارت مخالف تقریب کیحوالے سے کہا تھاکہ اس تقریب کے انعقاد میں حافظ سعید کا ہاتھ ہے تاہم بعد میں بھارتی وزیرداخلہ کے الزامات جھوٹ کاپلندہ ثابت ہوئے تھے۔