انقرہ(انٹرنیشنل ڈیسک) ترک صدررجب طیب اردگان نے انقرہ میں بم دھماکہ کرنے والوں کے خلا ف ملک میں اور سرحد پار سخت جوابی کارروائی کرنے کے عزم کا اظہار کرتے ہوئے کہا ہے کہ اس قسم کے حملوں کا جواب دینے کے لیے ہمارا عزم مزید مضبوط ہو رہا ہے۔غیر ملکی میڈیاکے مطابق ترک صدر رجب طیب اردگان نے انقرہ دھماکے کی شدید مذمت کرتے ہوئے کہاکہ ملک میں اس سرحد پار اس قسم کے حملوں کا جواب دینے کے لیے ہمارا عزم مزید مضبوط ہو رہا ہے۔انھوں نے کہاکہ ترکی کسی بھی وقت، کسی بھی جگہ یا کسی بھی موقعے پر اپنے دفاع کے حق کے استعمال سے گریز نہیں کریگا۔انقرہ میں بم دھماکے کے چند گھنٹے بعد صدر اردوگان کی طرف جاری ایک بیان میں کہا گیا تھا کہ ’ملک میں اور سرحد پار اس قسم کے حملوں کا جواب دینے کے لیے ہمارا عزم مزید مضبوط ہو رہا ہے۔‘انقرہ میں گورنر ہاؤس کے مطابق دھماکہ خیز مواد سے بھری ایک گاڑی اس وقت دھماکے سے پھٹ گئی جب ایک فوجی قافلہ اس کے قریب سے گزر رہا تھا۔یہ دھماکہ پارلیمان اور ملٹری ہیڈکوارٹر کے قریبی علاقے میں ہوا ہے۔ نائب وزیر اعظم باقر بوزدک نے اس حملے کو ’دہشت گرد کارروائی‘ قرار دیا ہے۔عینی شاہدین کا کہنا ہے کہ دھماکے کی آوازیں پورے شہر میں سنی گئیں اور بڑے پیمانے پر دھویں کے بادل دیکھے گئے۔ صدر اردوگان نے اپنا آذربائیجان کا دورہ منسوخ کر دیا ہے۔