برسلز(نیوزڈیسک )امریکی وزیر دفاع ایشٹن کارٹر نے توقع ظاہر کی ہے کہ سعودی عرب اور متحدہ عرب امارات شامی باغیوں کی مدد کے لیے خصوصی فورسز شام روانہ کر دیں گے۔غیر ملکی میڈیا کے مطابق سعودی اور اماراتی ہم منصبوں سے ملاقات کے بعد امریکی وزیر دفاع نے برسلز میں صحافیوں سے گفتگو کرتے ہوئے کہاکہ الرقہ میں جہادیوں کو شکست دینے کی خاطر اعتدال پسند باغیوں کو تعاون فراہم کرنے کی ضرورت ہے۔ امریکی وزیر دفاع کارٹر نے کہا کہ شام میں داعش کو شکست دینے کے لیے علاقائی سطح پر سنی ممالک کو فعال ہونا چاہیے۔