چنائے (نیوز ڈیسک) ہندوستان کی ایک جیل اہلکار کو دوران ڈیوٹی تفریح کے دوران ڈانس کرنا مہنگا پڑ گیا۔ہندوستان کی شمال مشرقی ریاست تامل ناڈو کے ایک پولیس اہلکار کے ڈانس کی ویڈیو انٹرنیٹ اور سوشل میڈیا پر مقبول ہوئی، تو محکمے نے ایکشن لیتے ہوئے اہلکار کو معطل کر دیا۔چنائے جیل کے چلبلے محافظ 58 سالہ شنکرن کے ڈانس کی ویڈیو موبائل کیمرے سے بنائی گئی تھی جس میں وہ ڈھول کی تھاپ پر رقص کرتے ہوئے جیل کے ایک کمرے میں داخل ہورہے تھے، جہاں دیگر جیل حکام کے علاوہ قیدی بھی موجود تھے۔تامل ناڈو کے ضلع سلیم میں واقع اتر جیل کے ڈپٹی جیلر اس روز موجود نہیں تھے اس لیے ان کی غیر موجودگی کا فائدہ اتھاتے ہوئے پولیس اہلکار نے اپنے رقص کی مہارت دکھائی، شنکرن کو معطل کرنے کی وجہ دوران ڈیوٹی یونیفارم میں ڈانس کرنا بتایا گیا۔ویڈیو سامنے آنے پر مذکورہ اہلکار کے خلاف تحقیقات کے لیے کمیٹی قائم کی گئی، جسے معلوم ہوا کہ شنکرن نے قبل ازیں ایک قیدی سے زبردستی مساج کروایا تھا جبکہ بال بھی کٹوائے تھے، اہلکار کے خلاف دیگر شکایات سامنے آنے پر ان کا دوسری جیل میں تبادلہ کیا گیا تھا، لیکن اس بار ڈانس کی ویڈیو سامنے آنے پر اعلی حکام نے ان کو معطل کر دیا۔