نئی دہلی(نیوزڈیسک) بھارتی وزیراعظم کے دفتر سے جاری ہونے والی حالیہ تفصیلات کے مطابق نریندرا مودی کے پاس نقد رقم کی صورت میں صرف 4700 روپے ہیں جبکہ ان کے پاس کوئی گاڑی بھی نہیں ہے۔ بھارتی خبر رساں ادارے کی رپورٹ کے مطابق بھارت کے سب سے طاقتور سمجھے جانے والے وزیراعظم نریندرا مودی کے صرف ریاست گجرات میں بینک اکاؤنٹس ہیں تاہم دارالحکومت نئی دہلی کے بینکوں میں ان کا سرے سے کوئی کھاتہ ہی موجود نہیں ہے۔ نریندرا مودی کے ذمہ بینک کا واجب الادا کوئی قرض بھی نہیں ہے۔ رپورٹ کے مطابق بھارتی وزیراعظم کے پاس کوئی زرعی زمین اور کسی قسم کی کمرشل پراپرٹی بھی نہیں ہے۔ مودی کے پاس 45 گرام وزن کی چار سونے کی انگوٹھیاں ہیں جن کی مالیت ایک لاکھ انیس ہزار بنتی ہے۔