واشنگٹن (نیوز ڈیسک)امریکی فوج کے لیفٹیننٹ جنرل جان ڈبلیو نکلسن کو افغانستان میں نیٹو و امریکی فوج کا کمانڈر مقرر کر دیا گیا ہے۔ امریکی محکمہ دفاع کے ترجمان پیٹر کک کے مطابق وہ جنرل جان کیمبل کی مدت ختم ہونے پر چارج سنبھالیں گے۔امریکی ٹی وی کے مطابق امریکا کے محکمہ دفاع کے ترجمان پیٹر کک کا کہنا تھا کہ جنرل نکلسن افغانستان میں انٹرنیشنل سیکورٹی اسسٹنٹ فوج کے آپریشن کے چیف آف اسٹاف ہیں اور ان کو امریکا کے صدر براک اوباما نے افغانستان میں امریکی و نیٹو فوج کا کمانڈر نامزد کیاجیسے ہی جنرل جان کیمبل کی مدت ملازمت ختم ہو گی جنرل نکلسن کمانڈر کی چارج سنبھال لیں گے۔ پیٹر کک کا کہنا تھا جنرل نکلسن پاکستان اور افغانستان سے مل کردہشتگرد اور عسکریت پسند گروپوں کے خلاف کارروائی کریں گے۔