لاہور(نیوز ڈیسک) امریکی ایئر لائن نے تعصابانہ رویہ اپناتے ہوئے 4 افراد کو مسلمان ہونے پر امریکی ایئر لائن سے باہر نکال دیا۔ذرائع کے مطابق جن افراد کو مسلمان ہونے کے شبہ میں امریکی ایئر لائن سے نکالا گیا وہ نیو یارک سے ٹورنٹو کیلئے سفر کر رہے تھے۔دوران سفر مسلمان مسافرون کو اس وقت شدید مایوسی کا سامنا کرنا پڑا جب طیارے میں موجود دیگر مسافروں نے مسلمان ہونے پر طیارے میں ان کی موجودگی پر اعتراض کرتے ہوئے ان کے ساتھ سفر کرنے سے انکار کر دیا۔ جن مسافروں کو طیارے سے نکالا گیا ان کا تعلق بنگلہ دیش اور عرب ممالک سے تھا ۔