نئی دہلی /لاہور(نیوز ڈیسک) وزیر اعظم نواز شریف کی سالگرہ پر بھارتی وزیر اعظم نریندر مودی کے اس سرپرائز پر بھارتی اپوزیشن غصہ مےں آگئی ‘ بھارتی وزیر خارجہ نے خوشی کا اظہار کر دےا ۔ تفصےلات کے مطابق کوئی جل گیا کسی نے دعا دی مگر یہ سچ ہے کہ بھارتی وزیر اعظم کے سرپرائز نے ہلچل مچا دی، نریندر مودی کے اس برتھ ڈے سرپرائز پر بھارتی اپوزیشن کو غصہ آ گیاکانگریس کے رہنما منیش تیواری نے اسے مودی کا ایڈونچر قرار دیتے ہوئے کہا کہ اس طرح کے اقدام ملک کی سکیورٹی پر برا اثر ڈالیں گے۔ کانگریس کے ہی رہنما اجے کمار نے کہا کہ مودی نے قوم کو اعتماد میں لئے بغیر لاہور جانے کا فیصلہ کیا جو اچھا نہیں۔ شیو سینا کی ترجمان نے بھی بیان داغا، منیشا کیاندے نے اس دورے کو سوشل میڈیا کے لئے فوٹو سیشن قرار دیا۔ لیکن بی جے پی نے برتھ ڈے سرپرائز کا خیر مقدم کیا، بھارتی وزیر خارجہ سشما سوراج نے اپنے ٹوئٹ میں کہا کہ ملک کے سربراہ ایسے ہی ہوتے ہیں، پڑوسیوں کے درمیان اسی طرح کے تعلقات ہونے چاہیں۔