نئی دہلی(نیوزڈیسک) بھارتی وزیراعظم نریندر مودی کے اچانک دورہ پاکستان کے خلاف بھارتی اپوزیشن جماعتوں کی جانب سے شدید احتجاج کیا جارہا ہے۔بھارتی میڈیا کے مطابق وزیراعظم نریندر مودی کے کابل سے لاہور پہنچنے پر بھارت میں اپوزیشن جماعت کانگریس اور عام آدمی پارٹی کی جانب سے شدید رد عمل دیکھنے میں آرہا ہے جب کہ دارالحکومت دہلی میں کارکنان کی بڑی تعداد سڑکوں پر جمع ہوئی اور حکومت مخالف نعرے بازی کرتے ہوئے بی جے پی کے جھنڈے بھی نذرآتش کردیئے۔نریندرمودی کابل سے 120 رکنی وفد کے ہمراہ لاہورکے علامہ اقبال انٹرنیشنل ایئرپورٹ پہنچے تو وزیراعظم نوازشریف نے ریڈ کارپٹ پران کا پرتپاک استقبال کیا اورنریندرمودی کوگلے لگایا جس کے بعد دونوں رہنما ہیلی کاپٹر میں بیٹھ کر جاتی امراءپہنچے جہاں دونوں ملکوں کے وزرائے اعظم کے درمیان ملاقات ہوئی جس میں باہمی دلچسپی سمیت دو طرفہ امورپرتبادلہ خیال کیا گیا۔