ماسکو(نیوزڈیسک)روسی صدر ولادی میر پیوٹن کا کہنا ہے کہ روس اس بات پر کبھی بھی راضی نہیں ہو گا کہ کوئی بیرونی طاقت شام پر حکومت کرنے والوں کا انتخاب کرے۔ شام کے مسئلے کا بہترین حل سیاسی بنیادوں پر ہی ممکن ہے۔ میڈیا بریفنگ کے دوران پیوٹن کا کہنا تھا کہ شام پر حکومت کون کرے گا یہ فیصلہ کرنے کا حق شامی عوام کا ہونا چاہیے۔ انہوں نے کہ کہا کہ روس شام کے مسئلے کے سیاسی حل کے لیے امریکی اقدامات کی حمایت کرے گا۔ روس میں جاری فضائی کارروائیوں کے بارے میں پیوٹن کا کہنا تھا کہ جب تک شامی فوج انتہا پسندوں کے خلاف لڑتی رہے گی۔ روسی کارروائیاں بھی جاری رہیں گی۔