تہران (نیوز ڈیسک)ایران کی بری فواج کے سربراہ بریگیڈیئر جنرل احمد رضا پوردستان نے کہا ہے کہ ایران نے روس سے ٹی90 ٹینک خریدنے کا فیصلہ کیا ہے ۔ایرانی میڈیا کے مطابق ایران کی فوجی قیادت نے روسی جنرل سٹاف سے ٹی 90 ٹینک خریدنے کیلئے بات چیت شروع کر دی ہے۔ میڈیا رپورٹ کے مطابق ٹی 90 ٹینک اعلی فوجی صلاحیتوں کا حامل ہے اور یہ جدید تقاضوں پر پورا اترتا ہے ۔ایرانی بریگیڈئر جنرل احمد رضا پوردستان نے کہا کہ ایران کو ٹینکوں کے علاوہ ہیلی کاپٹروں، مختلف قسم کے ہتھیاروں اور دوسرے عسکری سامان کی بھی ضرورت ہے۔