ماسکو(نیوزڈیسک)آخر ی موقع بھی ہاتھ سے نکل گیا، روس کے صدر ولادی میر پیوٹن اور ترک ہم منصب رجب طیب اردوآن کے درمیان ملاقات منسوخ کر دی گئی ۔غیر ملکی میڈیا رپورٹ کے مطابق روسی صدر ولادی میر پیوٹن سینٹ پیٹرزبرگ میں ترک صدر اردوآن کی میزبانی کرنے والے تھے تاہم روسی حکومت نے کہا ہے کہ ایسی کوئی ملاقات شیڈول میں شامل نہیں ہے۔واضح رہے کہ دو روز قبل ایک روسی بحری جہاز نے بحیرہ ایجیئن میں ایک ترک تجارتی جہاز کو تصادم سے روکنے کے لیے وارننگ گولے فائر کئے تھے اورگزشتہ ماہ ترک فضائیہ نے ایک روسی جنگی طیارہ مار گرایا تھا جس کے بعد سے دونوں ممالک کے درمیان کشیدگی چلی آرہی ہے ۔