پیرس(نیوزڈیسک)فرانسیسی پولیس نے گزشتہ ماہ پیرس میں ہونے والے دہشت گردانہ حملوں سے تعلق کے شبے میں مزید تین افراد کو گرفتار کر لیا ہے۔غیرملکی خبررساں ادارے کے مطابق بتایا گیا ہے کہ ان ملزمان میں دو مرد ہیں جب کہ ایک خاتون۔ عدالتی حکام کے مطابق ان مشتبہ ملزمان کا تعلق جنوری اور نومبر میں ہونے والے دہشت گردانہ حملوں سے تھا۔ گزشتہ ماہ پیرس میں ہونے والے خون ریز حملوں میں 130 افراد مارے گئے تھے اور ان حملوں کی ذمے داری دہشت گرد تنظیم اسلامک اسٹیٹ نے قبول کی تھی۔ ان حملوں میں ملوث مرکزی ملزم صالح عبدالسلام کی تلاش بدستور جاری ہے