لکھنﺅ(مانیٹرنگ ڈیسک) عدم برداشت کے معاملے پر عامر خان کے بیان پر اشتعال انگیز حملوں کا سلسلہ جاری ہے۔بدھ کو ہندو مہا سبھا کی کار گزار قومی صدر کملیش تیواری نے پریس ریلیز جاری کر کے کہا ہے کہ عامر خان اور شاہ رخ خان جیسے لوگوں کا سر قلم کر کے چوراہے پر لٹکا یا جانا چاہئے۔اکھل بھارتیہ ہندو مہا سبھا کے کار گزار قومی صدر کملیش تیواری نے کہا ہے عامر خان اور شاہ رخ خان جیسے لوگوں کو عوام نے سر پر بٹھایا ہے،انہوں نے دولت بھی یہیں سے کمائی مگر اب انہیں یہاں کے لوگوں سے ڈر لگتا ہے۔دونوں خانوں نے اس قسم کے بیان دے کر ملک سے غداری کی ہے جس پر انہیں کڑی سے کڑی سزا دے عبرت کا نشان بنایا جانا چاہیئے تا کہ آئندہ کو ایسا بیان دینے کی ہمت نہ کر سکے۔انہوں نے آخر میں کہا وہ کس ملک جائیں گے ،عیسائی ملک انہیں پناہ دیں گے نہیں چونکہ وہاں ان لوگوں نے پہلے ہی قتل عام مچا رکھا ہے۔انہوں نے مزید کہا کہ ہم ہندوستان کو اسلام سے پاک ملک بنائیں گے اور ان سازشی لوگوں کو ملک سے نکال باہر کریں گے۔