کابل (نیوز ڈیسک) افغان طالبان نے پاکستانی طالبان کی جانب سے میڈیا کو بھجوائی جانیوالی ایل میل کو جعلی قرار دیتے ہوئے اعلان کیاہے کہ ان کا ٹی ٹی پی کیساتھ مشترکہ کارروائی پر کوئی اتفاق نہیں ہوا ۔ افغان طالبان کے ترجمان ذبیح اللہ مجاہد افغان طالبان کا پاکستانی طالبان سمیت کسی بھی گروپ کیساتھ مشترکہ کارروائیوں کے حوالے سے کسی معاہدے کا پروگرام نہیں ہے ، اس حوالے سے کیے جانیوالے دعوے بالکل غلط ہیں ۔ یاد رہے کہ میڈیا کو مبینہ طورپر تحریک طالبان پاکستان کے نام سے ای میل کے ذریعے ایک خبر بھیجی گئی تھی جس میں تحریک طالبان پاکستان کے ترجمان محمد خراسانی کی جانب سے کہا گیا تھا کہ ٹی ٹی پی اور افغان طالبان کی قیادت میں مشترکہ کارروائیوں کا فیصلہ کیاہے ۔ ٹی ٹی پی کی جانب سے میڈیا کو موصول ہونیوالی خبر اس ای میل اکاﺅنٹ سے نہیں بھجوائی گئی جو عام پر ان کی طرف سے استعمال کیاجاتاہے ۔