دبئی (نیوزڈیسک)طویل قطار اور غیر ضروری انتطار سے چھٹکارا مل گیا ۔متحدہ عرب امارات کے ائیرپورٹس پرجلد ہی خوبصورت سے روبوٹس آنے والوں کی رہنمائی کیلئے نصب کر دیئے جائیں گے جودوسرے ممالک سے آنے والوں کو ویزے جا ری کریں گے ،اگرچہ یہ روبوٹس تمام اقسام کے ویزے جاری نہیں کریں گے لیکن ائیرپورٹ پر ویزہ حاصل کرنے کی سہولت رکھنے والے ممالک کے شہریوں اور سیاحت کیلئے آنے والوں کی ضروریات ضرور پوری کریں گے جس سے ان کی مشکلات کافی حدتک کم ہوجائیں گی ۔یہ مشینری نہ صرف ضروری معلومات فرام کرے گی بلکہ کاغذی کارروائی کرنے کی صلاحیت بھی رکھتی ہے ۔اس سے مستفیدہونا نہایت ہی آسان ہے آپ مطلوبہ ویزے پر کلک کریں ،رقم اداکریں اور بذریعہ ایس ایم ایس او ر ای میل تصدیق کے بعد آپ ویزہ حاصل کرنے میں کامیاب ہو جائیں گے جس پر ایک آفیسر پاسپورٹ چیک کرنے کے بعد دستخط کر ے گا ۔اگر آپ کو ایس ایم ایس یا ای میل موصول نہ ہو تو ویزہ کی درخواست کا پرنٹ بھی حاصل کیا جا سکتا ہے ۔دبئی انٹرنیشنل ائیرپورٹ ٹرمینل 1اور 3اور المختوم ائیرپورٹ اور امیگیریشن آفس دبئی پر کل 13روبوٹ نصب کیئے جائیں گے۔یہ روبوٹس ویزے کی تجدید اور شناختی کارڈز سے متعلق معلومات بھی فراہم کریں گے جبکہ پیسے کی ادائیگی کریڈٹ یا اے ٹی ایم کارڈ کی بدولت ہی ممکن ہو گی