جدہ(نیوز ڈیسک)سعودی عرب کی وزارت محنت نے حال ہی میں کام کی جگہوں پر لباس کے ضابطے کی خلاف ورزی کی مرتکب خواتین پر ایک ہزار ریال تک جرمانہ عائد کرنے کیلئے حکم نامہ جاری کیا ہے۔ ایک مقامی اخبار میں شائع شدہ رپورٹ کے مطابق وزارت محنت نے نئی ہدایات جاری کی ہیں جس کے تحت کام کی جگہوں پر لباس کے ضابطے کی خلاف ورزی کرنے والی اور خاص طور پر سر نہ ڈھانپنے والی خواتین پر ایک ہزار ریال (266ڈالرز) جرمانہ عائد کیا جائے گا۔آجروں سے کہا گیا ہے کہ وہ اپنے ہاں کام کرنے والی خواتین کے لیے تحریری شکل میں لباس کا ضابطہ وضع کریں، جو کوئی آجر ایسا کرنے میں ناکام رہے گا تو اس پر پانچ ہزار ریال (1300ڈالرز) جرمانہ عائد کیا جائے گا۔جنگ رپورٹر شاہد نعیم کے مطابق تمام کمپنیوں سے بھی کہا گیا ہے کہ خواتین کے لیے واضح تحریری ہدایات جاری کریں کہ وہ دفاتر میں موجود ہوتے ہوئے اپنے سروں کو ڈھانپ کر رکھیں۔سعودی وزارت محنت نے خواتین کے لیے رات کی شفٹ میں کام کرنے کو لازمی قراردینے والے اداروں پر جرمانہ عائد کرنے کا بھی اعلان کیا ہے۔اس کے علاوہ خواتین کے لیے الگ سیکشن نہ بنانے والی فرموں پر دس ہزار ریال (2600 ڈالرز) تک جرمانہ عائد کیا جائے گا۔ایسی کمپنیوں کے لیے یہ لازم قراردیا گیا ہے کہ وہ ایک ماہ کے اندر صورت حال کی توثیق کریں۔وزارت کے چارٹر میں بچوں سے مشقت لینے کی ممانعت سے متعلق شق بھی شامل ہے۔اس کے تحت تعمیرات کی جگہوں سمیت سخت کام والے مقامات پر کم عمر بچوں سے مزدوری لینے والی کمپنیوں پر 10ہزار ریال تک جرمانہ عائد ہوسکتا ہے۔
سعودی عرب‘کام کی جگہوں پر سر نہ ڈھانپنے والی خواتین پرہزارریال جرمانہ ہوگا
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
’’آزادی کی ہوا چل رہی ہے‘‘
-
پی ٹی آئی کے اہم رہنما انتقال کر گئے
-
درآمدی سولر پینل پر کسٹمز ڈیوٹی کیلیے نئی قیمتیں مقرر
-
کوکین ڈیلر انمول پنکی کے سنسنی خیز انکشافات، شوبز شخصیات اور سیاستدانوں کے نام بتادیے
-
ان ٹارگٹڈ کراس سبسڈی ختم، بجلی کی پوری قیمت وصول کرنے کا فیصلہ
-
شاطر ڈرگ ڈیلر پنکی، جس نے شناخت چھپانے کیلیے تیزاب میں انگلیاں جلائیں، زندگی سے متعلق اہم انکشافات
-
بڑا کریک ڈاؤن ! 10غیر قانونی ہاؤسنگ سوسائٹیز کو سیل کردیا گیا
-
شادی میں لیگ پیس نہ ملنے پر تصادم، نوجوان ہلاک
-
ملک کے مختلف علاقوں میں تیز ہواؤں اور گرج چمک کے ساتھ بارش کی پیشگوئی
-
ٹریفک حادثے کے بعد کار سوار نے نوجوان کو گولیاں مار دیں
-
نوجوانوں کو الیکٹرک بائیکس کی فراہمی، وزیر اعطم نے ہدایت جاری کر دی
-
بھارتی اداکار و پروڈیوسر دل کے دورے کے سبب 47برس کی عمر میں چل بسے
-
فرانسیسی صدر میکرون کو اہلیہ نے تھپڑ کیوں مارا وجہ سامنے آگئی
-
عالیہ بھٹ کو کانز فلم فیسٹیول میں شرمندگی کا سامنا



















































