لندن(نیوز ڈیسک)برطانیہ کے دورے پر آئے ہوئے چینی صدر شی جن پنگ اور ان کی اہلیہ بکنگھم پیلس میں ملکہ برطانیہ الزبتھ دوئم کے مہمان بنے۔ اس موقع پر شہزادہ ولیم اور شہزادی کیٹ مڈلٹن سمیت شاہی خاندان کے افراد موجود تھے۔ جبکہ برطانوی وزیراعظم ڈیوڈ کیمرون اور سیاسی رہنماوں سمیت 170سے زائد مہمانوں نے شرکت کی۔ملکہ برطانیہ الزبتھ دوئم نے تقریب سے خطاب کرتے ہوئے کہا کہ چین اور برطانیہ کے درمیان تعلقات کے لیے یہ سال بہت اہم ہے اور صدر جی پنگ کا دورہ اس سلسلے کا ایک اہم لمحہ ہے۔ملک برطانیہ نے کہا کہ امید ہے آئندہ سالوں میں دونوں ممالک ے تعلقات مزید مضبوط ہوں گے۔