لاس اینجلس (نیو ز ڈیسک) ایک ماہ قبل گھریلو ملازمہ پر جنسی حملے کے الزام کی زد میں آنے والا سعودی شہزادہ شاہ عبداللہ کا بیٹا نکلا۔ ڈیلی میل نے بتایا ہے عدالتی دستاویزات میں شہزادے کا نام ماجد بن عبداللہ بن عبدالعزیز بتایا گیا ہے اور وہ شاہ عبداللہ کے 35 بچوں میں سے ایک ہے۔ دوسری جانب لاس اینجلس کے ڈسٹرکٹ اٹارنی نے عدالت میں موقف اختیار کیا کہ شہزادے کے خلاف ثبوت ناکافی ہیں۔ واضح رہے ایک ماہ قبل سعودی شہزادے کو گھریلو ملازمہ سے زیادتی کے الزام میں گرفتار کیا گیا تھا اور آج انہیں عدالت کے سامنے پیش ہونا تھا مگر ڈسٹرکٹ اٹارنی کے موقف کی وجہ سے کیس واپس اٹارٹی آفس کو بھجوا دیا گیا ہے۔ سعودی شہزادے کے ہمسایے کا کہنا ہے کہ سعودی شاہی خاندان نے امریکی قانون کا مذاق بنا دیا ہے، وہ اب تک ذاتی جہاز میں واپس سعودی عرب بھی جا چکا ہوگا کیونکہ انہیں تو پاسپورٹ کی ضرورت بھی نہیں پڑتی۔ اس ہمسایے نے ہی ملازمہ سے زیادتی کے حوالے سے پولیس کو اطلاع دی تھی۔