نئی دہلی(نیوزڈیسک)بھارتی حکمران انتہا پسندجماعت بی جے پی کے متنازع رکن اسمبلی سکشی مہاراج نے ملک میں گائے ذبح کر نے والے کو موت کی سزا دینے کی تجویز پیش کر دی ہے ۔ایک انٹرویومیں سکشی مہاراج نے کہاکہ مقبوضہ کشمیر کی اسمبلی میں شیخ عبد الرشید پر ان کی جماعت کے ارکان کا حملہ ایک فطری رد عمل تھا ۔گائے کا تحفظ ہماری مذہبی ذمہ داری ہے اور اس مقصد کےلئے سخت قانون ہونا چاہیے ۔انہوںنے ہریانہ کے وزیر اعلیٰ منوہر لال کتھر کی اس تجویز کی بھی حمایت کی کہ مسلمانوں کو گائے کا گوشت کھانے سے گریز کر نا چاہیے ۔یہاں رہنے والے لوگ اپنی ذہنیت تبدیل کریں ۔انہوںنے دعویٰ کیا کہ سری رام مندر مودی حکومت کے دور میں ہی تعمیر ہوگا ابھی ہمارے چار سال باقی ہیں ۔