برسلز(نیوزڈیسک)روس کے خلاف طاقت کا سب سے بڑا مظاہرہ؟مغربی دفاعی اتحاد نیٹو کے رکن ملکوں کے ہزاروں فوجی آج( پیر کے روز) سے بحیرہ روم میں شروع ہونے والی سمندری جنگی مشقوں میں شریک ہوں گے،غیرملکی خبررساں ادارے کے مطابق اِن مشقوں کو گزشتہ ایک دہائی کی سب سے بڑی مشقیں قرار دیا گیا ہے۔ ان سمندری مشقوں میں مختلف ملکوں کی 230 فوجی یونٹوں کے چھتیس ہزار فوجی شامل ہوں گے۔ ان مشقوں میں مختلف ملکوں کے 140 جنگی ہوائی جہاز اور ساٹھ سے زائد جنگی بحری جہاز بھی حصہ لیں گے۔ فوجی مشقیں پانچ ہفتے تک جاری رہیں گی۔ ان مشقوں کے حوالے سے برطانوی وزیر دفاع مشیل فالن نے کہاکہ یہ فوجی دنیا کے کسی بھی حصے میں انتہائی خطرناک حالات کا سامنا کرنے کے لیے تیار ہیں۔