تہران(نیوز ڈیسک)ایران میں انسانی حقوق کے لیے کام کرنے والی ایک تنظیم کے مطابق گزشتہ 10 ماہ کے دوران اسلامی جمہوریہ میں 800 افراد کو تختہ دار پر لٹکایا جا چکا ہے۔ایران میں انسانی حقوق کے لیے کام کرنے والی ایک تنظیم نے اپنے بیان میں ایرانی حکومت کے ہاتھوں سیاسی بنیادوں پر شہریوں کو دی جانے والی پھانسیوں پر گہری تشویش کا اظہار کرتے ہوئے کہا ہے کہ رواں سال کے دوران سزائے موت پرعمل درآمد کے واقعات میں غیرمعمولی اضافہ ہوا ہے۔رواں سال جنوری سے8 اکتوبر تک 800 افراد کو تختہ دار پر لٹکا دیا گیا۔ عرب ٹی وی کے مطابق انسانی حقوق کی تنظیم نے اپنی ویب سائیٹ پر پوسٹ کیے گئے بیان میں بتایا ہے کہ پھانسی کی سزا پانے والے 500 افراد منشیات جیسے دھندے میں ملوث پائے گئے تھے۔