نئی دہلی( اے این این ) بھارت کے سابق وزیراعظم منموہن سنگھ نے عہدہ چھوڑنے سے پہلے کشمیر پر پاکستان کے ساتھ طے پانے والے مجوزہ معاہدے کا مسودہ اپنے جانشین نریندر مودی کے حوالے کردیا تھا ۔ یہ انکشاف بھارتی اخبار ” انڈین ایکسپریس “ نے بھارت کے ایک سابق سفارتکار کے حوالے سے کیا۔ اخبار کی رپورٹ کے مطابق منموہن سنگھ نے سابق پاکستانی صدر پرویز مشرف کی حکومت کے ساتھ کشمیر کے تنازعہ پر طے پانے والے مجوزہ معاہدے کا مسودہ 27مئی 2014ءکو ایک ملاقات کے دوران ذاتی طورپر مودی کے حوالے کیا۔