اوریگون(نیوز ڈیسک) امریکا میں کالج میں مسلح شخص کی فائرنگ سے 15 افراد ہلاک جب کہ 20زخمی ہوگئے۔غیر ملکی خبر رساں ادارے کے مطابق امریکی ریاست اوریگون کے شہر روزبرگ میں مسلح شخص نے کالج میں اندھا دھند فائرنگ شروع کردی جس کے نتیجے میں 15 افراد ہلاک جب کہ 20 زخمی ہوگئے جنہیں طبی امداد کے لیے قریبی اسپتال منتقل کردیا گیا ہے، فائرنگ کے واقعے کے بعد پولیس کی بڑی نفری نے علاقے کو گھیرے میں لے لیا جب کہ حملہ آور کو زخمی حالت میں گرفتار کرلیا گیا جو بعد میں ہلاک ہو گیا۔واضح رہے کہ اس سے قبل بھی امریکی کالجوں میں فائرنگ کے واقعات پیش آئے ہیں جس کے نتیجے میں متعدد افراد مارے جاچکے ہیں۔