وفاقی جج ڈیوڈ بنّنِگ نے کہا کہ عدالت کے لئے کِم ڈیوس کی گرفتاری کا حکم دینا کوئی آسان فیصلہ نہیں ہے۔فیڈرل جج ڈیوڈ بنّنِگ کی عدالت میں آج کِم ڈیوس کی گرفتاری کا حکم دیے جانے سے قبل عدالت کے باہر قریب دو سو افراد نے مظاہرہ بھی کیا۔ ان میں اس خاتون اہلکار کے موقف کی حمایت کرنے والے عام شہری بھی تھے۔ واضع رہے کہ امریکی سپریم کورٹ فیصلہ دے چکی ہے کہ ہم جنس پرست افراد بھی آپس میں باقاعدہ قانونی شادیاں کر سکتے ہیں اور ایسی سول شادیوں کے بعد ہم جنس پرست جوڑوں کو آپس میں شادی شدہ ہونے کے قانونی سرٹیفیکیٹ جاری کئے جا سکتے ہیں۔