لاہور(نیوز ڈیسک)سوڈانی صدر کے طیارے کی چین جاتے ہوئے ایندھن کم ہونے پر لاہور ایئرپورٹ پر لینڈنگ، ری فیولنگ کے بعد عمر البشیر کا خصوصی طیارہ بیجنگ روانہ ہوگیا۔ایئرپورٹ ذرائع کے مطابق سوڈان کے صدر عمر البشیر کے خصوصی طیارے کو چین جاتے ہوئے فیول کم ہونے پر لاہور اتارا گیا۔ سوڈانی صدر کے طیارے کی لینڈنگ کی اطلاع ملنے پر گورنر پنجاب رفیق رجوانہ ایئرپورٹ پہنچے اور سوڈانی صدر کو سٹیٹ گیسٹ میں قیام کی دعوت دی مگر ذرائع کے مطابق سوڈانی صدر نے لاہور ایئرپورٹ کی وی آئی پی لاؤ نج میں ہی قیام کیا اور طیارے میں ری فیولنگ کے بعد وہ بیجنگ روانہ ہوگئے۔