مصر (نیوزڈیسک)”تاریخی دریافت ہوگئی“عالمی سطح پر پٹرولیم مصنوعات میں دھماکہ خیز کمی کا امکان- ذخیرے میں تیس ٹریلین کیوبک گیس کی موجودگی کا اندازہ لگایا گیا ہے اور یہ پانچ اعشاریہ پانچ بلین بیرل تیل کی انرجی کے برابر ہے ۔-مصر میں بحیرہ روم کے پانیوں میں قدرتی گیس کا اب تک سب سے بڑا ذخیرہ دریافت کر لیا گیا ۔ اٹلی کی انرجی کمپنی ای این آئی کے مطابق چالیس مربع میل پر پھیلا ہوا قدرتی گیس کا ذخیرہ مصر کے شمالی ساحل کے نزدیک گہرے پانیوں میں دریافت کیا گیا ۔ ذخیرے میں تیس ٹریلین کیوبک گیس کی موجودگی کا اندازہ لگایا گیا ہے اور یہ پانچ اعشاریہ پانچ بلین بیرل تیل کی انرجی کے برابر ہے ۔ کمپنی کا کہنا ہے کہ ممکنہ طور پر یہ دنیا میں گیس کا سب سے بڑا ذخیرہ ہو سکتا ہے اور کئی دہائیوں تک مصر کی گیس کی ضروریات پورا کرنے کے لیے کافی ہے ۔