ریاض((نیوزڈیسک)سعودی عرب کے پارک میں کھیلتی دو سالہ پاکستانی بچی لاپتہ ہوگئی ،اہلخانہ نے غواءکا شبہ ظاہرکیاہے ،میڈیارپورٹس کے مطابق پاکستانی خاندان مکہ کے علاقے طائف میں اپنے رشتہ داروں سے ملنے کیلئے آیاتھا اور وہ پارک میں ٹہل رہے تھے کہ ان کی شروق بن احمد نامی بیٹی نے اپنے والد سے کہا کہ وہ دوسرے بچوں کے ساتھ درخت کے قریب کھیلنے کیلئے جار ہی ہے جس پر والد نے اجازت دے دی ۔کچھ ہی دیر بعد معلوم ہو اکہ وہ پارک میں موجود ہی نہیں ہے اور ڈھونڈنے پر بھی کہیں نہیں ملی ،اہل خانہ نے پولیس کو اطلا ع کر دی مگر بچی کا تاحال کچھ پتہ نہیں لگ سکا جس کے باعث والدین شدید پریشانی کے عالم میں غم کی تصویر بن گئے ہیں ۔