اسلام آباد (نیو ز ڈیسک ) مریکہ کا جنگی جنون ویسے تو ہمیشہ سے ہی بہت مشہور رہا ہے مگر وقت کے ساتھ ساتھ یہ جنون بڑھتا ہی دکھائی دیتا ہے تو اب تیار ہو جائیں پینٹا گون کے ایک اور نئے اور خطرناک منصوبے کے بارے میں جاننے کے لیے۔ حیران کن بات یہ ہے کے جہاں اس منصوبے کی کئی باتوں کو خفیہ رکھا گیا ہے وہیں اس منصوبے کا انکشاف پینٹا گون ہی کے ذریعے ہوا ہے تاہم اس انکشاف کی وجہ اس منصوبے پر خرچ ہو نے والی کثیر رقم بھی ہو سکتی ہے جس کا اندازہ تقریباََ 56 کھرب پاکستانی روپے لگایا گیا ہے۔ اس بات سے قطع نظر کے اس منصوبے کی تکمیل میں کون کون سے ماہرین ِ اسلحہ جات کا ہاتھ ہوگا یہ بات قابلِ غور ہے کے اس منصوبے کی تکمیل کے بعد امریکی بمبار جنگ کی دنیا میں دس سال آگے چلے جائیں گے۔بلومبرگ کے مطابق اس منصوبے کو مکمل طور پر واضح نہیں کیا گیا بلکہ بہت سی باتیں ابھی بھی خفیہ رکھی جا رہی ہیں ذرائع کے مطابق یہ Super Bowl commercial لڑاکا طیارے پینٹا گون کے بلیک بجٹ کا حصہ ہیں جسے انتہائی خفیہ رکھا گیا ہے۔