استنبول(نیوزڈیسک) ترک کوسٹ گارڈز نے ملک کے مغربی ساحل سے یونانی جزیرے لسبوس جانے کی کوشش کرنےوالے 150 تارکین وطن گرفتار کرلئے۔سرکاری میڈیا کے مطابق حکام نے خفیہ اطلاع ملنے پر مغربی صوبے کناکیلے کے علاقے ایویکک سے روانہ ہونےوالے پاکستان، افغانستان اور شام کے 101 تارکین وطن کو روک لیا۔ زیر حراس لئے جانےوالے تارکین وطن کو بعد ازاں جلا وطن کر دیا جائےگا۔دوسری جانب، پیر کو ترک کوسٹ گارڈز نے ایوالک سے لسبوس جانے کی کوشش کرنے والے مزید 48 تارکین وطن کو پکڑ لیا۔گرفتار تارکین وطن میں یمن، شام، افغانستان، میانمار اور اریٹیریا سے خواتین اور بچے بھی شامل ہیں۔