اسلام آباد(نیوز ڈیسک) عراقی دارالحکومت بغداد میں متعدد بم دھماکوں میں 35 افراد ہلاک اور 70 سے زائد زخمی ہوگئے۔ بغداد میں 2 کار بم دھماکوں اور 1 خودکش دھماکے میں 35 افراد ہلاک اور 70 سے زائد زخمی ہوگئے۔ غیر خبر ایجنسی کے مطابق بغداد کے علاقے الشعب میں ایک مارکیٹ کے قریب کھڑی کار میں زور دار دھماکا ہوا جس میں 10 افراد مارے گئے۔ جب سیکیورٹی اہلکار اور مقامی لوگ دھماکے کی جگہ پر جمع ہوئے تو خودکش بمبار نے خود کو دھماکے سے اڑالیا۔ خودکش دھماکے میں سیکیورٹی اہلکاروں سمیت مزید 10 افراد مارے گئے۔ اس سے پہلے بغداد ہی کے ضلع بنوک میں بھی کار بم دھماکے میں متعدد ہلاک ہوگئے تھے۔