ابو جا (نیوزڈیسک)شمالی نائجیریا کے شہر زاریا میں بم دھماکے کے نتیجے میں 20 افراد ہلاک اور متعدد زخمی ہوگئے زخمیوں میں بعض کی حالت نازک ہے جس کے باعث ہلاکتوں میں اضافے کاخدشہ ہے میڈیا رپورٹ کے مطابق بم دھماکا ایک سیکورٹی چیک پوائنٹ کے قرےب ہوا جہاں سکول کے اساتذہ اور عوامی شعبے کے کارکنان اپنی شناخت کےلئے قطار میں کھڑے تھے مقامی حکام نے حملے کی ذمہ داری شدت پسند تنظیم بوکوحرام پر عائد کردی۔ واضح رہے کہ نائجیریا کے شمال علاقوں میں گزشتہ کچھ عرصے سے بوکوحرام کے حملوں میں نمایاں تیزی دیکھی گئی ۔