جرمن اخبارنے امریکہ کا بھانڈہ پھوڑ دیا

3 جولائی 2015 |

American flag background - shot and lit in studio

بر لن(نیوزڈیسک)ایک جرمن اخبار نے انکشاف کیا ہے کہ امریکی خفیہ ایجنسی نے جرمن چانسلر انجیلا مرکل کے ساتھ جرمنی کے وزرا اور دیگر عہدے داروں کی بھی جاسوسی کی تھی جرمنی کے اخبار نے وکی لیکس کے حوالے سے انکشاف کیا کہ امریکی ایجنسی این ایس اے نے جرمن وزیرخزانہ، وزیراقتصادیات اور وزیرزراعت سمیت کئی وزرا کی جاسوسی کی۔ جرمن اخبار کے مطابق وکی لیکس نے 69 ٹیلی فون نمبروں کی فہرست فراہم کی جن کی جاسوسی کی گئی۔ جاسوسی کا شکار ہونے والوں میں وزرا کے علاوہ اعلیٰ عہدے دار شامل تھے۔ وکی لیکس کو یہ دستاویزات امریکی خفیہ ایجنسی کے سابق اہلکار ایڈورڈ اسنوڈن نے فراہم کی ہیں جس نے این ایس اے کے جاسوسی پروگرام کا بھانڈا پھوڑا تھا۔