اسلام آباد(نیوز ڈیسک)نیوزی لینڈ میں تعینات بھارتی سفیرقانونی چارہ جوئی سے بچنے کے لئے اہلیہ کے ہمراہ بھارت روانہ ہوگئے،ان کی اہلیہ پر شیف پر تشدد کا الزام ہے۔پولیس کے مطابق، ویلنگٹن میںموجود بھارتی سفیر روی تھاپڑکی اہلیہ نے اپنے شیف کو جسمانی طور پر زدو کوب کیا اور گھر سے باہر نکال دیا، تاہم شیف نے روی تھاپڑ یا انکی اہلیہ شرمیلا تھاپڑ کیخلاف کوئی شکایت درج نہیںکروائی ، خبر ایجنسی کے مطابق بھارتی سفیر آٓج بھارت کے لئے روانہ ہوگئے،نیوزی لینڈ کی وزارت داخلہ کے ترجمان نے تصدیق کرتے ہوئے کہا کہ حکام روی تھاپڑ اور انکی اہلیہ کے بھارت جانے کی خبر سے آگا ہ ہیں۔