اسلام آباد(نیوزڈیسک) مقبوضہ کشمیر میں بھارتی فوج کو اس وقت ہزیمت کا سامنا کرنا پڑا جب ضلع راجوڑی میں ایک فوجی تقریب کے دوران بھارت کا جھنڈا الٹا لہرا دیا گیا۔ تقریب میں سینئر فوجی عہدیدار بھی شریک تھے۔ بھارتی میڈیا کی رپورٹ کے مطابق راجوڑی میں فوج کی جانب سے پیر کے روز شاندار کارکردگی کا مظاہرہ کرنے والے طالب علموں کے اعزاز میں ایک تقریب کا اہتمام کیا گیا تھا۔ تقریب کے اختتام پر جب گروپ فوٹو کھینچی جا رہی تھی اس وقت نادانستگی میں جھنڈا الٹا لہرا دیا گیا۔ فوجی حکام نے اس غلطی پر معذرت کا اظہار کیا ہے۔