اسلام آباد: بابو سر ٹاپ اور ملحقہ مقامات پر ہلکی برفباری کے بعد موسم تبدیل ہوگیا جبکہ وادی کاغان کے مختلف مقامات پر سردی کی لہر چل پڑی ہے۔موسمیاتی تبدیلی کے بعد دوسری بار جولائی میں بابو سر ٹاپ پر برفباری ریکارڈ کی گئی، اب تک بابو سر ٹاپ پر دو انچ سے زائد برفباری ہوچکی ہے۔
برفباری کے باعث بابوسر روڈ ٹریفک کے لیے بند ہوگئی ہے۔ شاہراہ قراقرم تین مقامات مینار تھور، تتہ پانی اور کیڈٹ کالج کے قریب سے ٹریفک کے لیے بند ہے۔تتہ پانی اور کیڈٹ کالج کے قریب شاہراہ کھولنے کا کام جاری ہے تاہم مینار تھور کے مقام پر سڑک کی بحالی کے لیے ٹیمیں بھیجنے کی کوششیں جاری ہیں۔
